“Vande Vaadidra Chhatalaabhaaya Chandrardh Kritshekhraam Vrisharudhaam Shooldharaam Shaiputri Yashsvineem.”

Durga Pooja ke pratham din Mata Shailputri ki pooja-vandana is mantra dwara ki jati hai.

Maa Durga ki pahli swaroopa aur Shailraaj Himalaya ki putri Shailputri ke pooja ke sath hi Durga Pooja aarambh ho jata hai. Navratra poojan ke pratham din kalash sthapna ke sath 12120221_952560031470811_2096944911_ninki hi pooja aur aradhna ki jati hai. Mata Shailputri ka vahan Vrishabh hai, unke dahine hath me Trishul aur bayen hath me Kamal ka pushp hai.

Pauranik kathanusar Maa Shailputri apne purv janm me Prajapati Daksh ke ghar kanya roop me utpann huyi thi. Us samay mata ka naam Sati tha aur inka vivaah Bhagvan Shankar se hua tha. Ek bar Prajapati Daksh ne yagya aarambh kiya aur sabhi devtaao ko aamantrit kiya parantu Bhagvan Shiv ko aamantran nahi diya. Apne maa aur bahno se milne ko aatur Maa Sati bina nimantran ke hi jab pita ke ghar pahunchi to unhe waha apne aur Bholenath ke prati tiraskar se bhara bhav mila. Maa Sati is apmaan ko sahan nahi kar saki aur wahi yogaagni dwara khud ko jalakar bhasm kar diya aur agle janm me Shailraj Himalaya ke ghar putri roop me janm liya. Shailraaj Himalaya ke ghar janm lene ke karan Maa Durga ke is pratham swaroop ko Shailputri kaha jata hai.

Jai Mata Di……..

Leave a Reply

Your email address will not be published. Required fields are marked *

one × four =